GSES executive members elected by the first AGM organized in Asoj 1, 2079.

GSES Ad-hoc Committee formation meeting of Falgun 2077

GSES Executive Member

Introduction | परिचय

गौरीगञ्ज पूर्व विद्यार्थीहरूको समाज(GSES) को सङ्क्षिप्त परिचय

गौरीगञ्ज माध्यमिक विद्यालय गौरीगञ्ज झापाका पूर्व विद्यार्थीहरूबिच आपसी मेलमिलाप, पुनर्मिलन, सहसम्बन्ध तथा सहकार्य कायम गरी सदस्यहरूको सृजनात्मक तथा नेतृत्वदायी क्षमताको विकास गर्दै गौरीगञ्ज माध्यमिक विद्यालयलगायत आसपासका अन्य विद्यालयहरूसँग समेत सुमधुर एवं सहयोगात्मक सम्बन्ध कायम राखी विभिन्न सामाजिक क्रियाकलापका माध्यमबाट विद्यालय, गाउँ, समाज तथा समुन्नत राष्ट्र निर्माणमा सकारात्मक योगदान पुर्‍याउने उद्देश्यले गौरीगञ्ज माध्यमिक विद्यालयका पूर्व विद्यार्थीहरूको समाज (Gauriganj School Ex-students’ Society- GSES) स्थापना भएको हो ।

डा. कविराज वान्तवा

अध्यक्ष

रमेशप्रसाद कोइराला

उपाध्यक्ष

डा. लेखनाथ पौडेल

महासचिव

उद्देश्य तथा कार्यक्षेत्र

गौरीगञ्ज पूर्व विद्यार्थी समाज (GSES) का मुख्य उद्देश्यहरू देहायअनुसार रहेकाछन् :

साविक गौरीगञ्ज तथा खजुरगाछीका विद्यालयका पूर्व विद्यार्थीहरूबिच आपसी सहसम्बन्ध तथा सहकार्य कायम गर्दै उनीहरूलाई संस्थाको छातामुनि समेट्ने ।
संस्थाका सम्पूर्ण सदस्यहरूबिच मेलमिलाप, एकता कायम राखी सृजनात्मक एवं नेतृत्वादायी क्षमता विकास गर्नलाई उचित वातावरण तयार पार्न प्रयत्नशील रहने ।
सदस्यहरूबिच समन्वय कायम राखी सदस्यहरूको समस्या समाधान गर्न प्रयासरत रहने ।
साविकगौरीगञ्ज तथा खजुरगाछीका माध्यमिक विद्यालयलगायत आसपासका अन्य विद्यालयसँग सुमधुर सम्बन्ध कायम गरी सद्भावना अभिवृद्धि गर्दै आवश्यकताअनुसार सहयोग आदान प्रदान गर्ने ।
विद्यालय, गाउँ तथा समाजको उत्थानको लागि समाजिक सेवाको भावनालाई शिरोधार्य गरी समाज सेवामा संलग्न रही समयानुकुल सामाजिक हितका कार्यव्रmमहरू सञ्चालन गर्ने ।
गौरीगञ्ज तथा साविक खजुरगाछीका माध्यमिक विद्यालय तथा आसपासका अन्य विद्यालयहरूमा अध्ययनरत विपन्न तथा जेहेन्दार विद्यार्थीहरूको पहिचान गरी शैक्षिक छात्रवृत्ति उपलब्ध गराउने ।
सामाजिक, सांस्कृति, शैक्षिक सम्पदा, कला संस्कृति एवं सार्वजनिक सम्पत्तिको संरक्षण गर्न उचित पहलकदमी लिने एवं सो सम्बन्धमा देखा परेका समस्याहरू सुल्झाउन समुचित योगदान पुर्‍याउने तथा प्रतिनिधित्व गर्ने ।
सार्वजनिक विद्यालयहरूको शैक्षिक तर अभिवृद्धि गर्न संस्थाको तर्फबाट सक्दो योगदान गर्ने।
दैवी प्रकोपमा परेका असहाय एवम् पीडित व्यक्तिहरूलाई आवश्यक सहयोग गर्ने ।